قصـــه وقصيـــده لرحــله قنص ""انتهت بمأساهـــــ

[align=center]
جبت لكم سالفه وقعت لأحد أبناء حريملاء مع شقيقه اثناء رحلة قنص في منطقة السليمي بحائل .

والشخص الذي وقعت له هذه القصة هو الشاعر / عبدالله بن سعد الجحّان وشقيقه "فهد" وهم من أهالي حريملاء ويسكنون في المنطقة الشرفية .

وقام شاعرنا "عبدالله الجحّان" بسرد هذه القصة "المحزنه" وتلخيصها في ابيات شعرية منذ انطلاقتهم من الدمام مع زملائهم حتى تقديمهم لواجب العزاء في زميلهم في هذه الرحلة "زكي"رحمه الله .




رحـــلـــة وداااااع ...

الـبـارحـة مـــا طـــب بعـيـونـي الــنــوم = ولا لــفـــا لـلـقـلــب والـفــكــر راحـــــه
بأسـبـاب أحــداث جــرت كـنـهـا حـلــوم = متـعـومـسٍ والـقـلـب كـثــرت جــراحــه
والـعـالـم الله المـصـيـبـة لــهــا ثــلــوم = بقـلـوبـنـا ومــــا قــلــت إلا الـصـراحــه
قـمـنـا مـــن الـدمــام أخـــوان وقـــروم = متكاتفـيـن أصـحــاب والـنـفـس واحـــه
متـوجـهـيـن لـحـايــل وكـلـنــا عـــــزوم = على القنص وسعة الصـدر وانشراحـه
ولا دريـنــا عـــن خـفـايـاً بـهــا هـمــوم = وأن الـقــدر بيـضـيِّـق بـنــا الـمـسـاحـة
وأن الليالـي لـو صفـت مـا صـفـت دوم = تـحــوس صافـيـهـا وتـنـكــس قــراحــه
وطبـيـنـا حـايــل ثـــم قـمـنـا بـهــا يـــوم = فـي دار أبــو مــروان خـذنـا أستـراحـه
قضـيـنـا لـيـلـة تـنـذكـر مـابـهـا خـــروم = مــا غـيـر ضـحـك وكــن عقـبـه نيـاحـه
والأربـعـاء بالـلـيـل رحـنــا نـبــي تـــوم = لـلـيـلــة الــلـــي قـبـلـهــا فـالـسـمـاحـه
نبـي مـع المقنـاص رحـلـة بـهـا عـلـوم = خـيــر وذكـــرى طـيـبـه مــــع ربــاحــه
ولا حـصــل فـــي لـيـلـنـا ذاك مـقـســوم = للصـيـد لـيـن الفـجـر شقـشـق صبـاحـه
وعصر الخميس حاول زكي قال ملزوم = يـــــم الـسـلـيـمـي نـتــجــه لـلـسـيـاحــه
يبـي الحجـل مــن قـبـل لاتظـهـر نـجـوم = بكبد السماء ويرقى الحجل في مراحـه
ورحنـا السليـمـي لـكـن الـحـظ مـعـدوم = وأثــر الـحـجـل روّح علـيـنـا لـسـراحـه
وجلسـنـا فـتـرة راحــة بـوقـت مـعـلـوم = لـيــن أذن الـمـغـرب ورحـنــا لـفـلاحــه
مــن ثــم صليـنـا وجمعـنـا وذي سـلـوم = الـلــي مـسـافـر لـــه مـــن الله راحــــة
ومن عقبها صار العشاء شيء محتوم = والـجـوع قــد أشـهــر علـيـنـا سـلاحــه
ورحـنـا شريـنـا كــل شــيء لــه لــزوم = ثــــم رجـعـنــا الــبــر نـطـبــخ بــراحــه
وقـال الفهـد هاتولـي مـن الحطـب كـوم = وأنــا عـلـي الطـبـخ وأضـمـن نـجـاحـه
وأنـا وبرجـس والقريـشـي لـنـا سـهـوم = جبـنـا الحـطـب وزدنــا علـيـه برجـاحـه
أمــا زكــي فــي شـبـت الـنـار مـحـكـوم = خـــلا لهـبـهـا يتـسـمـع لــــه صـيـاحــه
ويـوم زهـب ذاك العشـاء كلّنـا عمعـوم = كلـنـا وقــرص الـجــوع زاد الشـفـاحـه
ثـــم ركـبـنـا قـصـدنـا الـصـيـد والـحــوم = بـبـر السليـمـي فـــوق أبـــرق جـنـاحـه
وشغل زكي الموتر تقل شخص مزهوم = وأمـــر الـولــي يـــم المـقـاديـر لاحــــه
وبوسط البلد فـي مطعـم هنـود وعجـوم = وقــف بـنـا بـأمـر فـهـد وســـط سـاحــه
وطلـب فهـد شاهـي لأجـل يطـرد الـنـوم = لكـنـه أبـطـى مــا رجــع مـــن مـراحــه
وحــول زكــي يستعجـلـه تـقـل مـنـجـوم = ثــــم رجــــع وهــــو يــســن بـرمـاحــه
وقال أسمعوا خلو الخبر شـيء مكتـوم = وإذا ركــب الفـهـد بـأحــوس ارتـيـاحـه
بأنـتـع بــه المـوتـر بــالأول وبــا أقــوم = أهـــز بــــه والــكــأس لــــزم طـيـاحــه
ويـوم ركـب أخـوي إلـى القيـر مزمـوم = ونـيّـت زكـــي قـشــرا وفـيـهـا وقـاحــه
وبالنتعـة الأولــى وإلــى البـنـدق تـنـوم = جهـة زكـي وتجـي فـي جنـبـه وضـاحـه
وبالنتعـه الأخـرى سمعـنـا وإلــى بــوم = ثــــارت وأمـــــر الله مــالـــه زيــاحـــه
وإلــى زكــي يــون والـوجــه مـعـسـوم = مـــن حـــر مـاصـابـه وقــــوة كـفـاحــه
ونـزل مـن الموتـر علـى غيـر مرسـوم = وأنـــزل وأعـنّــز لـــه قـبــل أنـسـداحـه
وقمـنـا نتقـامـز تـقـل قـامـت بـنـا لـغـوم = ولا نــبـــي عــلـــى فـعـلــنــا مـــداحـــه
وشلـنـاه للإسـعـاف والـحــال مـهــزوم = ولا تــبــشــر بــخــيــر ولا بـصـحــاحــه
وصـار يتشـهـد والحـكـي مـنـه مفـهـوم = والـحــمــد لله أن حــكــيــه وضـــاحـــة
وبوسط المستشفى قـال مانيـب مظلـوم = ومــحــد رمــانــي وقـالـهــا بـفـصـاحـه
وشهد لحكيـه عسكـري وجملـة عمـوم = نـــاسٍ حـضــرو الـحـادثــة والـمـنـاحـه
ثـم دخـلـوا بــه غـرفـة البـنـج مـحـزوم = عجـلـيـن لإجــــرى عـمـلـيـة جــراحــه
وحنـا خـذونـا لقـسـم شرطتـهـم وجــوم = والـدمـع فــوق الـخـد كـثــر أنسـفـاحـه
وقـمـنـا نــدعــي ونـطـلــب الله بــقــدوم = العـافـيـه لــــه فــــوق كــــفٍ وراحــــة
ثــمٍ بــدأ التحقـيـق مــن جمـلـة طـقــوم = عـسـكـر وكــــلٍ عــــارف بـالـصـراحـه
ومن باكـر الجمعةعقـب عصـر مشـؤم = جـانــا الـخـبـر زادت علـيـنـا الـفـداحــه
قالوا توفـى وراح فـي فجـر ذاك اليـوم = وهـذا القـدر مـحـدٍ مــن الـنـاس زاحــه
وكـلٍ مـن الصدمـة بــدأ يطـيـح ويـقـوم = مـحــد مـصــدق والـخـبـر بـــه قـبـاحــه
وهلـت دمـوع العيـن مـن ربعـي رتــوم = تــرثــي رفــيــقٍ راح ســبّــة مــزاحـــه
وقمـنـا ودعيـنـا رحـمـة الله لــه تـــدوم = والـــكـــل مـــنّـــا حلله ثــــــم بـــاحــــه
والسبـت حـزة صبـح جـا أبـوه مغـمـوم = يــبـــي يـــفـــرّج هــمــنــا وانـفـتــاحــه
والـعـم صـالـح أثـبـت أنــه ولـــد قـــوم = الـطـيــب فـيـهــم وعــنـــد الله لـقــاحــه
ماهوب مـن جملـة بعـض نـاسٍ رخـوم = يتـمـيـدحـون وفــــي مــثــل ذي قــاحــه
جــاء ثــم تـنـازل عنّـنـا بـصـك مخـتـوم = مـن المحكمـة والحجـز فــك أنفسـاحـه
ودخـل علـى مقـرن أبـن سعـود بعـزوم = ثـــم طـلــب عـفــوه عـلـيـنـا بـصـفـاحـه
ولا طـلــع مـــن عـنــده بـحــظ مـدقــوم = الــبـــاب مـقــفــولٍ وخــــــذ مـفـتــاحــه
ويــوم أطلـقـونـا وإلـــى كـلـنـا وســـوم = هــمــوم وأحــــزان غـزتـنــا رمــاحـــه
أطـلاقـنـا مـابــه فـــرح كــلــه شــــروم = مـــا تكـتـمـل لـلــي مــصــاب أفــراحــه
ورحـنـا السليـمـي وجـوّنـا كـلـه غـيـوم = نـصـلّـي عـلـيــه ونـدفـنــه بـمـسـراحـه
وبالمقـبـرة غـديـت كـنّــه بـــي سـمــوم = دارت بـــي الـدنـيـا وشــفــت أشـبـاحــه
ولا ذبـحـنــي وأودع الـقـلــب مــفـــروم = إلا بـصـوت مــن حـشـى أبــوه صـاحـه
قطـع معاليقـي وهـو شخـص محـشـوم = أهـتـز وهــو رجــل الـوقـار وصـلاحــه
ورحنـا نعـزي ببيـت عمّـه وبنـا جــزوم = عـلـى الـعـذر مــن والــده والسـمـاحـه
وفـي بيـت عمّـه والشمـل كـان ملمـوم = عـــزوة زكــــي وأقــاربــه وأرواحــــه
جـيـنـا وعـزّيـنــا وحــنــا بــنــا هــمــوم = والـحـيـل مـهــدود وذا الأمــــر داحــــه
ثــم قلّطـونـا عـلـى تبـسـي بـــه لـحــوم = وكـلـنـا وذاك الـــزاد مــالــه مـسـاحــه
وقـمـنـا نـوادعـهـم عـلــى أمـــل يــــوم = أنـــا نـتـلاقـى فـــي ظــــروف مــلاحــه
وركبـنـا موتـرنـا وثـقــل كـنــا خـصــوم = كـــلِ حـزيــن وسـاكــت عـــن مـبـاحــه
وفـي دربنـا كـلٍ عـن الحكـي فـي صـوم = وأحــداث ذيــك الفاجـعـة جــت سيـاحـه
وصطـى بنـا الهوجـاس بأفكارنـا يـعـوم = واللـي حـصـل صـعـب عليـنـا اندمـاجـه
كيـف حصـلـت هالكـارثـه وراح قـيـدوم =رحـلاتـنـا كـيــف انـتـهـى بـــه مـزاحــه
جـايٍ بهـا الرحلـة وهـو غيـر مـرغـوم = مـبـسـوط ومـتـفـأل ومــاصــار كــاحــه
مـايـدري بـطـيـور المـنـيـة لـــه تـحــوم = تـبــي سـبــب وتــهــل كــــل مـسـبـاحـه
مـرحـوم يـــا غـالــي فـقـدنـاه مـرحــوم = عـسـاه فــي الـجـنّـة ويـلـقـى الـربـاحـه
عسـى الولـي مـا يـأخـذه بأكـثـر الـلـوم = ويـقـبـل صـلاحــه ويـتـجــاوز طــلاحــه
عـسـاه بالجـنـة ويـكـسـى بـهــا هـــدوم = حـريـر وحــور العـيـن تـتـبـع سـراحــه
وهـــذي حكـايـتـنـا وتــمــت بـمـرســوم = مــن شـاعـر حــاول عليـهـا بـوضـاحـه
هـــديـــه مـــنّـــي لــوالــديــه بــعــلــوم = صــارت عليـنـا مـابـهـا مـــن فـضـاحـه
والله يصبـرهـم عـلـى صـدمــة هـجــوم = صــابــة ضـنـاهــم مـعـلـنــة أنـذبــاحــه
ويلهمهـم السـلـوان فــي كــل مقـسـوم = ولـبــس الطمأنـيـنـة يجـيـهـم وشــاحــه
ويخـلـف عليـهـم خلـفـه مـالـهـا ســـوم = يلقـون فيهـا مــن أبــو صـالـح لمـاحـه

كتبها الشاعر / عبدالله بن سعد الجحّان

اكتملت هذه القصيدة يوم الأثنين الموافق 12/ 10/ 1415 هـ

وكانت بدايتها يوم السبت 27/ 8 / 1415هـ

قصيدة تشرح ظروف الحادثة التي تسببت في وفاة المرحوم

بإذن الله الأخ الفقيد/ زكي بن صالح العبّوش

.
.
.

الله يرحم الجميع



القصيده مأسآويه تحكي واقع مرير ومحزن


لك الف شكر على ههالقصيده

ولاهنت

,,,,

قصه وقصيده فعلن لها وقعها الخاص في النفس

تسلم على هالطرح ولا عدمناك

ولد الظهران ..

نايف البرازي ..


مشكورين على المرور والتعليق ..


دمتم بحفظ الله ورعايته ..

احترامي وتقديري ..

قصه وقصيده تشكر عليهل يجايز

بارك الله فيك ولا هنت