شمر هل الطولات ربعي هل الزود

شمر هل الطولات ربعي هل الزود = يافرحت المضيوم يـوم ٍ نخاهـم
يما حكموا من أرض وديار وحدود = لاجيت شمر بـارزات(ن) قراهـم
صبارت(ن) يوم الملاقا على الكود = ويبشر بعزة من تعنـى ونصاهـم
سيل ٍ تحدر من عواصيف ورعود = ارجال ٍ تبيع الروح للـي عناهـم
كسابـة ٍ للطيـب جيابـة الفـود = هلي الطنايا جعل روحـي فداهـم
من الجبل في نجد لـسنجار ممدود = اسم ٍ يضاهي سهيل نمشي بذراهم
هل الشجاعة بلقا ذيـاب وفهـود = تمطر حميا مـن بروقـه سماهـم
ورحنا ورثنا الطيب من جدنا العود = من حاتم ٍ وعمير واللـي وراهـم
عبدة صناديد الوغا بيوم مشهـود = شيمه وشهامه حاضرات(ن) معاهم
وافخر بسنجارة هل الفعل والجـود = فوق الأصايل ضاهديـن اقبلاهـم
وشفي الأسلم بالملاحم لهـم زود = ريف الضعيف مدلهيـن قصراهـم
وقمنا انتوجد ليت امس ٍ لنا يعود = لو نسيوا التاريخ هـو مانساهـم
فعلا ً لهم بالكون مجرب ومحمـود = تمدح لهم تاريخ ماضـي عداهـم
ولو زلزلت الأرض وغيومها سود = أحذر ترى شمـر تلاطـم طناهـم
حريبهم خسران وبالكون مضهـود = حظه ردي ٍ فـي طريقـه رماهـم
المرجله ماهي على قمـة اجـدود = ولاهي بسوالف يوم جينا وجاهـم
المرجله لـمروي شبأ يابس العود = قرم ٍ شفيـه وبالمصقـل رماهـم
فهيم لاقالـوا ثبـات ٍ ومقصـود = والطيب يوجد في سواعد لحاهـم
وان كان درب العشق ممشاه منقود = عز الله طحنا بالطنايـا وهواهـم
من حبهم اصبحت راوي وقاصـود = بيض العذارى معـززات بحماهـم

وســـــــــــلآمتكـــــم . . .

كفو كفو كفو عز الله

الاخ العزيز والقدير

جايز

صح لسان شاعرها ولا هان ناقلها

وقبيلة شمر يقتصر دونها المدح

لاهنت على هذا الطرح الرائع

لك كل الشكر

تحياتي وخالص تقديري

كفوك الطيب طال عمرك ...

وماعليك زود .. ولاهنت يآذيبان ..

دمت بحفظ الله ورعايته ..

سيل ٍ تحدر من عواصيف ورعود
ارجال ٍ تبيع الروح للـي عناهـم
كسابـة ٍ للطيـب جيابـة الفـود
هلي الطنايا جعل روحـي فداهـم


كفوكفو والله يالطنايا قول وفعل بيض الله وجهك عى هالقصيده الي ماشا لله







اخوي جـــــآيــــز تسلم والله على هالطرح ولا عدمناك ياكيحلان

شمر هل الطولات ربعي هل الزود
يافرحت المضيوم يـوم ٍ نخاهـم


ونعم والله ونعم وستيــــــــــــــــــــن نعم باهل الطنايا

قصيده رائعه تحكي عن الشي القليل لشمر

بارك الله فيك على هالقصيده وصح لسانك ولسان شاعرها

لا هنت

,,,

كفو والله ونعم بقبيلة شمر


والشهاده فيهم مجروحه هل الطنايا


قصيده رائعه صح لسانك ولسان شاعرها يالنشمي


لاهانك الرب

كفو كفو والله صح لسانك يالقرم ولسان شاعرها

عز الله انهن ابيات خوش ابيات يابعد حيي وشمر تستاهل المدح هل الطولات

تسلم يالغالي

ولاهنت

,,,,

من حبهم اصبحت راوي وقاصـود
بيض العذارى معـززات بحماهـم

وكفو كفو والله بشمر من اقصاهم لدناهم

يشهد ربي على حب شمر >>>لله درهم فيهم حبابه غير طبيعيه

قصيده تستحق الاشاده ودرر رائعه في اهل الطنايا شمر

جايز بيض الله وجهك يابعد حيي على هالقصيده

لاهنتوا يالربع ..


وماعليكم زود ..


وبيض الله وجيهكم على هالمرور المشرف صراحة واللي ادخل البهجة لقلبي ..


دمتم بحفظ الله ورعايته ..


احتراماتي وتقديراتي ..

جايز الشمري

يعطيك الف عافيه على النقل

الطنايا قول وفعل والله لو نمدح من هنا الي بكره ما كفينا حقا

حنا الطنايا واهل اللحيسة رووس السناعيــــس
شـمــــر الي تـفـتخـــر بهـــا جميــع القبــايــــل

حنــا أهل الفعــال الحميـدة كـاسبين النواميـس
ورثنــاه مـــن جــــدنا حـــاتم كـــريم الفعـــــايـل